Faqja e Institutit Shqiptar të Statistikave duket se ka rënë pre e një grupi hakerash iranianë, Homeland Justice.
Në një njoftim të bërë në rrjetet sociale, ky grup ka njoftuar se ka mundur që të hakerojë faqen e ëebit të INSTAT.
Sakaq, aktualisht faqja është e paaksesueshme nga qytetarët në motorët e kërkimit në Google.
Po ashtu, edhe zëdhënësi i INSTAT ka konfirmua: Po punojmë për rikuperimin e faqes.
INSTAT është vënë në qendër të kritikave publike për mungesën e transparencës me rezultatet e Censusit. Zyrtarisht institucioni ka lajmëruar se rezultatet do të shpallen në qershor të këtij viti, por opozita akuzon se INSTAT po manipulon të dhënat duke fshehur shpopullimin dramatik të Shqipërisë.
