E-Albania ka dalë me një njoftim për të gjithë qytetarët dhe bizneset.
Ndryshimi për të cilin po flasim ka të bëjë me një kod 6-shifror, fjalëkalim me një përdorim, i cili dërgohet në formën e “sms” në telefonin e përdoruesit dhe në adresën e tij të “e-mail”-it kur do të aksesohet në këtë faqe.
“Për të gjithë qytetarët dhe bizneset, identifikimi në llogarinë tuaj në e-Albania në vijim do të kryhet duke vendosur, përveç kredencialeve tuaja (NID/NIPT dhe fjalëkalimin) dhe kodin 6-shifror (fjalëkalim me një përdorim), që do të dërgohet në numrin tuaj të telefonit dhe në adresën tuaj të e-mail-it, në çdo rast identifikimi apo ndryshimi të fjalëkalimit. Qytetarët dhe bizneset të cilët, në llogarinë në portal, kanë deklaruar numër të huaj telefoni, kodin 6-shifror do ta marrin me e-mail, në adresën e regjistruar në llogarinë e tyre”, thuhet në njoftim./CNA
