Transportuesi me kosto të ulët Transavia i Air France-KLM ka nisur zyrtarisht fluturimet direkte që lidhin kryeqytetin shqiptar Tiranën me kryeqytetin holandez Amsterdam më 6 mars, njoftoi operatori i aeroportit të Tiranës, TIA.
Fluturimet Tiranë-Amsterdam janë planifikuar dy herë në javë dhe sipas ofertave në faqen e Transavias cmimet fillojnë nga 130 euro vajtje-ardhje.
Deri më tani, pasagjerët e Tiranës kanë rezervuar fluturime për në aeroportin e Eindhoven, një qytet afër Amsterdamit, për të vizituar kryeqytetin holandez.
Transavia, e cila operon në aeroportin e Tiranës që nga viti 2017, aktualisht ofron fluturime ekskluzivisht nga Tirana në Paris.
