Arrestohet Presidenti i Partisë së Lirisë Ilir Meta. Lajmi konfirmohet nga burime pranë SPAK. Metës i janë vënë prangat nga agjentët e BKH-së pranë mbikalimit të Kamzës, teksa ka asistuar edhe policia.
Ish kryeministri dyshohet se eshte arrestuar lidhur me aferën CEZ-DIA. Meta ishte nisur për në selinë e tij, pasi kishte njoftuar një konferencë për shtyp.
Pas Sali Berishës nën masë sigurie, me arrestimin e Ilir Metës, udhëheqja e opozitës të vendit tashmë ndodhet e gjitha e ndaluar nga drejtësia. Opozita i ka cilësuar hetimet e SPAK kundër krerëve të saj si të urdhëruara politikisht nga kryeministri Edi Rama. Vet Ilir Meta kohët e fundit kishte shpërthyer në akuza të forta ndaj SPAK dhe Altin Dumanit.
lir Meta ka shërbyer si President i Shqipërisë nga 24 korriku 2017 deri më 24 korrik 202. Më parë ai shërbeu si Kryeministër nga 1999 në 2002. Ai ishte Kryetar i Parlamentit të Shqipërisë nga 2013 në 2017. Meta gjithashtu mbajti poste si Zëvendës Kryeministër, Ministër për Evropën dhe Punët e Jashtme dhe Ministër i Ekonomisë, Tregtisë dhe Energjisë.
Para kësaj, ai mbajti Kryesinë e Komisionit Parlamentar të Integrimit Evropian. Meta themeloi Lëvizjen Socialiste për Integrim (LSI) në 2004 sot Partia e Lirisë e cila drejtohet prej tij.
Meta ka qenë 15 vite deputet i Kuvendit të Shqipërisë, dhe një nga figurat kryesore politike shqiptare. Ai konsiderohet si krijuesi dhe drejtuesi i Polit të Tretë në Politikën Shqiptare. Meta është Presidenti i parë në historinë e Shqipërisë që është i fajësuar nga Parlamenti i Shqipërisë.
