29 Nëntor, 2024
Tirana, Albania
Kryesore Lajme nga vendi

Albpetrol shpall ankand 100 milionë dollarë për shitje nafte

Kompania e nxjerrjes dhe prodhimit të naftës në vend ka hapur ankandin e parë për këtë vit për shitjen e një sasie prej rreth 160 mijë tonë naftë bruto. Sipas dokumentave të shpallura në Agjencinë e Prokurimeve Publike, nafta të cilën Albpetrol e përfton nga prodhimi i vet, por edhe nga kompanitë koncesionare do të nxirret në shitje me një çmim dysheme sa 78.18 % e Çmimit Brent plus një koeefiçent K, në kushtet Free On Board, FOB.

Koeeficenti K është çmimi me të cilin garojnë kompanitë në ankand, ku blerësi që ofron koefiçentin më të lartë shpallet fitues. Ndërsa në pikat e lëvrimit, çmimi minimal fillestar për njësi është 77.26 % e Çmimit Brent – 4.04 USD/bbl + K.

Në formulën dysheme, Brent përfaqëson çmimin në USD/fuçi i Brent i Platts, i publikuar në Buletinin e Prokurimit Publik, -4.04 USD/fuçi është kosto mesatare totale (transport, magazinim, stokim, analizim produkti, sigurim), ndërsa K është vlera USD/bbl e ofruar nga ofertuesi mbi çmimin minimal të shitjes të përllogaritur nga formula (K˃0)” thuhet në dokumentet e ankandit.

Sipas dokumentave të ankandit, vendndodhja e naftës brut është në Albpetrol sha Patos, përkatësisht në pikat e lëvrimit: Stacioni Usojë, Stacioni Visokë, Stacioni Gorisht, Stacioni Zharrëz, Stacioni Kuçovë, Stacioni Amonicë.

Aktualisht çmimi i naftës bruto luhatet rreth nivelit 625 dollarë për tonë, që do të thotë se përmes këtij ankandi, Albpetrol pritet të arkëtojë minimalisht 100 milionë dollarë.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *