Komandanti i Komandës Mbështetëse, gjeneral brigade Ferdinand Dimo ka qenë i ftuar sonte në emisionin “Opinion” ku ka treguar se çfarë armatimesh do mbërrijnë në bazën ajrore të NATO-s në Kuçovë.
Dimo theksoi në bazën e Kuçovës do të ulen avionë F-16 të Forcave Amerikane. Po ashtu u shpreh se në bazë ka 3 dronë bajraktar. Sipas Komandantit këto lloj dronesh kushtojnë 8 milionë euro.
Po ashtu nënvizoi se ka ambiente akomodimi, duke theksuar se në bazën ushtarake ka rreth 200 shtretër.
Dimo u shpreh se baza ajrore e NATO-s në Kuçovë është e vetmja në Ballkanin Perëndimor dhe se ky ishte vendimi më i mirë i NATO-s.
“Kemi 3 dronë bajraktar , janë dronë të armatosur. Drone të tillë kushtojnë 8 milionë euro. Avionë luftarak nuk kemi. Ne parashikojmë të pajisemi me sistemin antidron.
Në planin e zhvillimit janë duke u montuar elementë shtesë. Në bazën ushtarake në qendër të Kuçovës ka 200 shtretër.
Po krijohet ambienti rekreacioni. Është e vetmja bazë taktike e NATO-s në Ballkanin Perëndimor, ka qenë vendimi më i mirë i NATO-s”, tha Dimo./ CNA
