Grupi hungarez i shërbimeve financiare OTP tha se fitimi pas taksave i njësisë së saj shqiptare Banka OTP arriti në 2.9 milionë euro në tre muajt e parë të 2024-ës, nga 8 milionë euro që ishte në të njëjtën periudhë të një viti më parë.
Fitimi operativ i Banka OTP Albania u rrit me 49%, duke arritur në 14 milionë euro, tha OTP në një raport financiar të ndërmjetëm javën e kaluar.
Të ardhurat neto nga interesi u rritën me 23% , ndërsa të ardhurat neto nga tarifat dhe komisionet u shtuan 10% në periudhën janar-mars 2024. Shpenzimet operative u rritën me 3% në 10.1 milionë euro.
Totali i aktiveve të njësisë shqiptare u rrit me 13% në 1.83 miliardë euronë fund të marsit 2024, nga 1.61 miliardë euro që ishin në tremujorin e parë të vitit të kaluar. .
Kreditë bruto të Banka OTP Albania për klientët u rritën me 10% nga viti në vit duke arritur në 1 miliardë euro, ndërsa depozitat u rritën me 16% mbi bazë vjetore, tha OTP.
Banka OTP Albania është në pronësi të OTP që nga prilli 2019. Para kësaj, ajo ishte një njësi e grupit bankar francez Societe Generale. Në dhjetor 2022, banka qendrore e Shqipërisë miratoi një bashkim midis OTP Bank dhe njësisë vendore të Grupit Alpha Bank të Greqisë.
Në Evropën Juglindore, grupi OTP operon edhe në Bullgari, Serbi, Rumani, Slloveni, Mal të Zi dhe Moldavi.
