Fondi Monetar Ndërkombëtar parlajmëroi se ekonomia botërore mund të përballet me rreziqe të reja për shkak të tarifave të vendosura nga Shtetet e Bashkuara të Amerikës. FMN tha se është ende duke vlerësuar implikimet makroekonomike të tarifave për ekonominë botërore, por shtoi se tarifat “paraqesin qartë një rrezik të rëndësishëm për perspektivën e rritjes së ekonomisë globale në një kohë të rritjes së ngadaltë”.
Deklarata erdhi nga drejtoresha e FMN-së, Kristalina Georgieva, e cila u bëri thirrje Shteteve të Bashkuara dhe partnerëve të tyre tregtarë të punojnë në mënyrë konstruktive për të zgjidhur tensionet dhe për të reduktuar pasigurinë.
FMN-ja ka të ngjarë të ulë paksa projeksionet ekonomike në përditësimin e saj të ardhshëm të Perspektivës Ekonomike Botërore për rreth tre javë, por “ne nuk shohim recesion në horizont,” tha Georgieva në një intervistë për Reuters NEXT Newsmaker.
“Ajo që ne shohim në treguesit e frekuencës së lartë është me të vërtetë që tregon se besimi i konsumatorit, besimi i investitorëve po dobësohen disi dhe ne e dimë se kjo përkthehet në një ndikim në perspektivat e rritjes,” tha ajo.
Megjithatë, FMN-ja nuk po shihte ende “një ndikim dramatik” nga tarifat e zbatuara deri më tani nga Trump që nga kthimi i tij në Shtëpinë e Bardhë, tha ajo.
FMN-ja në janar e rriti vlerësimin e saj të rritjes ekonomike globale për vitin 2025 në 3.3% nga 3.2% në vlerësimin e saj të mëparshëm në tetor, me një përmirësim gjysmë pikë përqindje ndaj perspektivës së SHBA në 2.7% që përbën pjesën më të madhe të kësaj rritjeje.
Megjithatë, Georgieva pret që përditësimi i WEO në prill, kur FMN të mbajë takimet e saj të pranverës në Uashington, të reflektojw një “korrigjim” të vogël në rënie të këtyre vlerësimeve, tha ajo.
Ndërsa ndikimi aktual ishte i moderuar, Georgieva paralajmëroi se shumë vende kishin përdorur hapësirën e tyre fiskale dhe monetare gjatë COVID dhe tani kishin nivele të larta borxhi, duke kufizuar aftësinë e tyre për t’iu përgjigjur goditjeve të ardhshme.
