Do të jetë një San Siro i mbushur plot e përplot të martën për euroderbin e kthimit mes Interit dhe Milanit. Dhe nëse ndeshja e parë vendosi një rekord absolut në Itali, ku kuqezinjtë arkëtuan shifrën marramendëse 10.4 milionë euro nga shitja e biletave, ky rekord e pati jetën shumë të shkurtër.
Gazzetta dello Sport shkruan se Interi pritet të arkëtojë plot 12 milionë euro nga shitja e biletave për ndeshjen e kthimit në mbrëmjen e së martës. Ky është rekordi absolut i arkëtuar ndonjëherë në një ndeshje futbolli në Itali.
Akti i parë i derbyt të Champions u luajt të mërkurën e kaluar, ku Interi dominoi totalisht Milanin duke e fituar ndeshjen me rezultatin 2 me 0. Por me sa duket dominimi vazhdon.
Pas fitores në ndeshjen e parë, që i vë me një këmbë në finalen e madhe të Stambollit, zikaltrin e kanë mundur sërish Milanin, edhe në shifrën e arkëtimeve. Plot 12 milionë euro ose 15 për qind më shumë arkëtime së në ndeshjen e parë. Por kjo është magjia e derbit. Nga njëri rekord në tjetrin në një qytet, i cili ka luksin të këtë dy skuadra që luajnë gjysmë finalen e Champions League. Dhe ky është Milano, kryeqyteti botëror i futbollit.
